Ṭhansonak ding thawn pehpar aw in theih ṭulmi le tuah ṭulmi tampi a um ih, a hnuaiih tarlangmi pawl khal theih ciami khal a um dingih theih hrih lomi tla a um ding. Mi pahnihkhat in hlawknak an hmuh theinak ding ruahsannak thawn…
(1) Mi ih ngaisan ding zuam hnakin mah le mah zumawknak neih ding hi a thupi sawn.
(2) Tumtahnak tum/sang zet nei in thil fate ihsin thok in tuahsuak tum aw.
(3) Ni khatkhat ah ka hlawhtling leh ding ti zumnak nei awla phur zet in hnaṭuan aw.
(4) Na thil ti theinak kha ṭhangso dingin zuam in tuah ringring aw.
(5) Na nunnak hrang ṭhathnemnak suahpi thei dingmi cabu ṭha pawl hawl in siar aw.
(6) A tak in tuah aw. Tuah sual/palh pang ding ṭih hlah.
(7) Neihmi thilri parah duhham tuk hlah. Duhham tuknak in sunralnak a suahpi thei.
(8) Mi ih simmi ngaitu si ding zuam aw. Midang ih simmi ṭha ten na ngainak ihsin na nunnak ah hlawknak na ngah ding.
(9) Palhnak ihsin zirsuahmi nei dingin zuam awla ziangruangah ka palh/sung ti khal fiang ten thei tum aw.
(10) Pawlkomnak thiam in midang thawn thuruahrel tlangdan thiam dingin zuam aw.
(11) Na theihmi hmuahhmuah sim ṭheh a ṭul lo. Thuh dingmi khal a um.
(12) Na thiammi kha midang hnenah zirh in hlawm ve aw.
(13) Mifim le mithiam rualpi ṭha hawl in kawm aw. Na kawmmi le na kiangkap in na nunnak ṭhangso dingin a thleng thei.
(14) Nangmah le nangmah duhdaw aw.
(15) Harhdamnak khal ngaihsak aw.
(16) Thinlung thiangte ih um thei dingin zuam aw.
(17) Na innsang hrang khalah tikcu caan pek aw.
(18) A lak in tikcu caan hi cemter hrimhrim hlah.
(19) Thil ṭha lo tuah ṭheumi pawl hrial tengteng aw.
(20) A ṭul lo tukmi hrangih paisa na hman ṭheu kha cawl aw.
Hram: Lawkanite Thuta Sarpay
Lairawn Meifar
(39/2018)
No comments:
Post a Comment