Cungpi hi, Delhi ih Chin Student Union (CSU), 2017 ah
Secretary tuan ih atu ah Falam Community ih EC sungtel ih kan Chin mino lak ih
mi felfai, tawzaangzet le mi zuamzet a si. Kawlram, Rangon ih khawsa an siih Pu
Lal Zar Lian le Pi Hnem Iang te ih fapa a si. Kawlram, Rangon ah Phun-8 tiang a
kai ih India ram Ingraham Institute English School, Ghaziabad ah phun -9-12
tiang zir theh ih cumi theh hnu ah Ambdkar University ah a zirr rero lai mi a
si. A hmuhton mi le cawn Chin Youth hrang ih cawntlak mi pawl kan zoh tlang pei….
___________________________________________________________
….. Ka hmin cu Simon Cung Lian Kim ka siih Ambedkar
University Delhi ah BA (HONS) SOCIAL SCIENCES &
HUMANITIES in Second Year ka kai rero. Himi subject ka laknak san cu
Leilung tlun ah Community le Society
dangdang umtlang kan si ruangah mi dangih Culture
le an Traditional pawl kan thei a si
ahcun hmailam can ah lungrualten le pakhat le pakhat theithiam aw in kan um
tlang thei ding ti ruahsannak thawn hi mi subject hi ka laknak a si.
Tu University ka kai-nak ah ramleng ihsin siseh ramsung ihsin
siseh miphun le hnam dangdang thawn kan kaitlang a si. Cumi sungih Ka Hmuhton mi le Kanmah Chin Mino
pawl ih cawntlak ka timi pawl mallai ka rak tarlang duh.
(Self confident)
1.
Mah
le Mah Zumawk Ngamnak
Self confident hi a thupizet in ka
hmu, ziangahtile kanmah le mah hman kan zumawk ngam lo a si ahcun midan zohman
nih in zum ngam lo ding a si. Tlawng kan kainak ah siseh thil kan tuahnak ah
siseh (confident) neizet in kan tuah
thei ding ti thinlung kan nei ih Pathian kan rinsan asile kan hlawhtling ding a
si. Tlawng ka kainak ah caan tampi cu Saya/ Sayama pawl nih thu (Question) in sut theu tikah answer ka
thei ko nan ka sual pang ding ka phang ruangah ka let ngam lo theu, rak let ta
in ka sual bang hman sehla ka let ngam lo mi kha ka thinlung sungih ka sir-awbik
mi a si. Confident ka nei lo tuk ruangah si, midang Vaipawl cu ngamzet le
confident neizet in ka sual pang ding ti phan lo ih an let ngam hi cawntlakzet
ih ka hmu mi a si.
2.
Idea
thar & Idea Thatha (Creativity)
Hlawhtlin na duh taktak asile
midang ruahnak (idea) ziangtikhman ah
cang (copy) hlah aw. Pathian nih
fimnak a lo pek mi kha ziangtin ka hmang ding ih, khoitawk ah kan hmang suak
ding ti kha ruat sawn aw. Midang ziang an tuah ziang an cang ti kha va ruattuk
hlah aw, na hmailam ah ziangtin ka thangso thei daan ding kha ruat sawn aw.
Tlawng ka kainak ah Assignment, Presentation tivek kan nei theu. Mi tampi
cu Internet ta le mi dang ih tuah daan
le an ruahnak (idea) pawl an cawng (copy) theu. Keimah rori tla ka rak copy dah, himi hi a tha lo nasa, miring tongin
PLAGIARISM an tiih “Mi thiamnak le fimnak fir, mibum hmang (cheating) tha lozet” a si. Saya/ma pawl nih tla an duh lozet mi a
si. Hivek ruangah can tampi cu Exam kan sungnak (fail) a si. A parih kan tarlan mi thiltha lo tuah rero hnak cu Intenet le lenglam ih ta caa tampi kan
siar dingih cumi sungin kan theithiam daan le kanmah idea thawn ziangtin himi hnakin tha in ka ngan thei daan ding le
ziangtin midang ta vek si loin kan tuah (present)
thei daan ding timi Creative Thinking
hi a thupizet in ka hmu.
3. Telkim thei zuam tengteng ding (Participation
Tlawng kan kainak ah siseh Biakinn lam le Community lam ah
tla siseh cangvaihnak (activity) kan
nei theu mi hi phurzet le thathozet (active)
in kan tel (participated) ding hi a
thupizet in ka hmu. Ziangahtile mino le zirlai kan si ruagah hitivek kan telnak
ihsin tonteh mi (experience) thatha
le idea thatha kan ngah ding a si. Pawlkom hnatuan tlan daan (Teamwork) le Tanrual a thupi zia tla
kan thei ding a si. Responsibility (tuanvo) kan nei mi parah a thabik dingin
zuam ih tuah suak thei ding hi a thupizet a si. Himi hi pathian ih duh zawng
tla a si. Bible sung ah Pathian in (You
are the light of the world) in ti curuangah kan fimnak kan thiamnak le kan
thazaang hi amah hrangah le kan miphun le ram hrangah kan hmangding hi a thuzet
a si.
A cemnet tiang in siarsaktu nan zate parah ka lungawizet…
No comments:
Post a Comment