A VEI (70)NAK CHIN NATIONAL DAY - NEW DELHI

Tuni February 20, 2018 (Tuesday) ah Chin mi ziangmawzat umnak New Delhi ah a vei(70)nak  Chin National Day tluangten kan hmang thei a si.

Chief-guest ih sawm mi Dr. H.T Sangliana hi tulaitak India ram ih Vice President of KPCC tuanlai a si. Dr. HT.Sangliana hi Delhi um le India ram sung um Zohnahthlak zate hrang ih Pa ti sehla a sual lo ding. Delhi ih Chin mi pawl 2010 hrawng tiang FRRO tuahnak, Stay Visa tuahnak hrang ih harsatnak ton mi pawl in cingfel saktu a siih a parah kan lungawizet.  


Atu tum Chin National Day ih Chief Guest sawm mi ahhin - CND ih Khuallian ding ih sawm a si na'n 2016 ihsin FRRO thu thawn pepar aw thotho in Chin mi pawl zohman a thar tuah sak a si nawn lo thu pawl cingfel sak dingin a um sungah nasatak in a tawlrel sak lala ih a hlawhtlin theinak ding thlacamnak thawn kan bawm cio pei.

Guest of Honor ih sawm mi pawl cu: Mr. Lian Thang (CRC President), Mr. Hedentra (SLIC - Officer), Ko Htwe (MRO-President), Mr. Cung Dawt Sang (CHRO) pawl an si.

Community tin ihsin Cultural Dance le hla mawi pawl thawn awi a si.

Tutum Delhi ih CND Puai huaihottu (Initiate) tu hi Hakha Community a si. 

Mipi ra khawmtu hi mipum 1000 leng kan siih a sunglawizet.

Pathian in Chin Miphun cawisang vivo hram seh...