NUI' HNAWITITHLUM IH THATHNEMNAK (by - Elizabeth Thiam - INCC MAGAZINE -2015)

Nu’i Hnawiti Thlum A In Mi Naute Cu, …

1. .....Naute in a tulsam mi vitamin zaten  kimzet in a co  thei. Protein le fat timi naute ih tulsam mi vaitamin pawl 100% tluk in a kim mi vitamin hnawi ti a si.

2. .....Naute ih ruh hrangah le ha hrang ah a tha.

3. .....Formula (tuahcop mi hnawivaam) hnak in Nu’i hnawiti thlum in naute pumpi a dam ter, a cakter sawn.


4......Taksa damlonak a thleng ter thei mi nat-hrik virus le bacteria pawl harhdamzet le cakzet in a do thei.

5......Naute cu cuap lam damlonak (thawthawt har) le allergies timi ngaih aw lo mi ti le rawl , sii le vai nei lo ding khop in a kham thei. 

6......Formula (tuahcop mi hnawi vaam) tel lo rori thlaruk kim tiang Nui' hnawiti thlum a in mi naute cu hna leh thawthawtnak lamzin (cuap) thawn pehpar mi natnak le sungdok nat ol ten an ngah thei lo.

7.....Nu’i hnawiti in mi naute cu thau-luantuk mi an si dah lo. 

8......Naute cu SIDS tihmi “naute it that lai ih thi asilole ziangruangah a thi timi theih lo ih thihnak a khamsak thei. Cun zuunthlumnat (diabetes) leh thau-luan tuk leh cancer natnak pawl ngah theinak vo a mal.

Nute hnawiti thlum a petu Nu cu, …

1......Naupai( naukeng) lai ih a thaunak pawl a rangbik in a reh ter thei daan cu Fate hnawiti thlum pek hi asi.

2. Nau neih theih hnu in Suul (nau inn) ihsin thiisuak mi a rehter thei.

3......Hnawi Cancer leh Suul (nau-inn)Cancer nat ngah theinak virus a mal ter. 

4......Type 1 leh Type 2 tin zuunthlum nat phunhnih sung in Type-2 zun thlum ngah theinak vo a malter.