MINUNG IH LUNG MANGBANGZA PHUN (10)

(1) Tarkun tiang nungdamtu pakhat ih lung hi thisen umnak hmun million khat hrawng a cangvaiter.

(2) Nitin ten lung in a suahmi thazang hi thilri phurmi mawṭawpi (truck) pakhat kha peng (20) hrawng a fehter thei. Tarkun tiang nungdamtu ih lung in cuih mawṭawpi kha leilung ihsin thlapi tiang feh le kirsal/tlunsal theinak ding tiang tha a nei.

(3) Nunau pawl ih lung hi mipa pawl ih lung thawn ṭhim ahcun zemrual in minit pakhat ah vei (8) a tur rang deuh.

(4) Kan lung tum lam hi kutzaphak pahnih kom tiat hrawng a si. Nauhak cu kutzaphak pakhat tiat fang hrawng lawng in a tum.

(5) Oxygen (thli) hi khopkham zet ih a ngahmi lung cu taksa lenglam ah thleng khal sehla a tur/cangvai thei thotho ding. Atu vekih lung a tur/cangvai theinak cu lung ahhin amahte ih cangvaiter theitu pakhat a rak um ruangah a si.

(6) Kan taksa ruangpi ah lung ih a kuatmi thisen a thlen lonak hmun cu mit sungih tuamtu a rangte lawng a si.

(7) Kan taksa ruangpi ih thisen fehnak le umnak tete cell (75 trillion cell) pawl hi lung ihsin a suakmi thisen parah an ṭhum aw.

(8) A harhdammi lung hi nitin zemrual/cawhrual in vei tingkhat (100,000) a tur/cangvai. Lung in ruangpum sungih peng thawng sawmruk (60,000) hrawng a saumi thihri sung lakah thisen a kuat.

(9) Lungnat hi khensa natnak hnakin ṭihnung um sawnmi natnak phunkhat a si.

(10) Leknak tuah, tirawl thianghlim einak, thinbangnak ṭhumawk le vitamin-D famkim ten ngah thei dingih umtlan ding ti pawl hi kan lung hrang harhdamnak dingah tangka tampi cem ṭul lo ih kan tuah ṭul zetmi pawl an si.

Hram: Sarpay Uhyin
Lairawn Meifar
(57/2018)