CHIN MI PAWL (By:Salai Thang - Kalay University)

(1)..... Chin mipawl cu thudik kan thei ko nan, nunpi dingah kan ngamsal lo.

(2)..... Chin mipawl cu thutha, hlatha kan duhzet ko nan, Aupi suak dingah kan ngam sal lo.

(3)..... Chin mipawl cu mifahrah le mi harsa bomding kan thei ko nan, va bomsuak taktak dingah kan paihsal lo .

(4)..... Chin mipawl cu piangthar, thutak kan varpawhzet ko nan, Khrih ih nuncan ziaza mawi cu kan nitin kan nuntu khuasaknak ah kan nunpi thei hrih lo.

(5)..... Chin mipawl cu Chinttong, Chin calai, Chin nunphung, Chinram kannei ko nan, fingkhawi le tuahthat beetsal dingah kan paihsal lo.

(7)..... Chin mipawl cu pakhat le pakhat duhdaw awding thu kan au rero ko nan, thleidan awknak thinlung kan neihmi cu a hlothei hrih lo.

(8)..... Chin mipawl cu sum le pai tampi kan nei ko nan, Chin miphun le Chinram hrang rak hmangsuah dingah kan ngamsal lo.

(9)..... Chin mipawl cu mifim mithiam kan tamzet ko nan, ram le miphun hrangah cun kan tangkai thluh thei hrih lo.

(10)..... Chin mipawl cu Politics kan tuah rero ko nan, Chin hrinhnam hmuahhmuah hrangah policy tha ngaingai kan suahpi thei hrih lo.

(11)..... Chin mipawl cu nupi/pasal nei kan paihzet ko nan, nupi duat le pasal tihzah upat ding cu kan paihsal lo