NAZARETH CHILDREN HOME, FALAM (Home Director le Salai Star Media Online tonawknak)

SSM:....    Zaangfahten Nazareth Children Home hi a dinnak rei ve phah zo ih...  mi tampi in nan THUHLA an thei zo dingnan thangthar nonawn sung ihsin a thei hrih lotu an tamzet men dingih... thuhla tawi famkimten tulaifang nan dinhmun in ruah thei pei maw? (Online)

Home Director: ...  Ka lungawi,  tulaifang hi khual ka tlawn laifang  a siih, thuhla famkimzet cun ka lo sim fukfi thei lo dingnan a tawizawng in lo sim thei ka tum ding..

Si....  Nazareth Children Home hi June 05, 1995, Falam ah din thokmi a siih Founder hi LCF (Aizawl) ih Pastor Rev. Khaw Nei khuai a si, Atu ih tuanvo neitubik Home Director cu Rev. Biak Cawm keimah ka si. Kilkhawitu Saya/ma mi 4 kan siih, Nauhak zate 43 kan kilkhawi.

A dinthok ihsin tukum tiang ih a lut zotu nauhak hi mi-168 lai an kim zo ih, Kumkim le Mahte todelh aw thei zo ruangah a suak zotu mi 125 an si. Malaysia le Singapore lam ih hlawh aw tla an um ih India ram ih Bible tlawng kai le tlawng theh zo tla an um. Ram sung ih um pawl cu anmah ten todelh aw theitu an um... Tahan ih TRI STAR Photo Studio neitu Luaite khi NCH ihsin suak mi a si.   

Hmailam vision kan neih mi cu A HARSA MI NAUHAK zoh/kilkhawi peh thei vivo ih MI PICANG, MIFIM THIAM THATHA TAMPI AN SUAH thei ding hi a si.

Himi CHILDREN HOME IH Main sponsor cu Saya Pa Thawm te le K.P.B an si. Inn le lo lam cu si loin, a sungum hmuahhmuah hrang tulsam mi in bawm bik, cu lo ih in bawm phahphahtu pawl cu Kawhhran pawl, Pawlkom tete le Zumtu hmuahhmuah an si.

Nitin ei-in ziangzat kan hmang cem ti pawl thawn pehpar aw in... rawl hmeh thaw kan ei can le a cem tam deuh. A cipciar in ngaingai cun ka rel fukfi thei lo a si.

Kan Children Home hi kum 22 lai a kim ve zo ih, tawk talai cu mipitling an um nan mai’ duh vekin nauhak hi kan pitlin thei lo. Curuangah zumtu unau pawl in Thlacamnak thawn in bawm ringring hram uh!..... Ka lungawi.... Salai Star Media ... Pathian in thlawsuah pe vivo hram seh! A men....

________________________________________________

Nazareth Children Home thawn pehpar aw in thuhla cipciar thei duh le Sumpai in siseh, Thlacamnak thawn siseh, a bawm duhtu le bawm tumtu kan um asile a tanglam ih Home Director hnenah pehtlaih a theih ringring.

 Contract:     Rev. Biak Cawm

                        Director, NCH, Falam

                                +95-9256270358

Fb: https://www.facebook.com/biak.cawm