Hruaitu/ Uktu tha le santlai lo

By: Thang Kolh

Tulai ram tampi ah Uktu/Hruaitu/Chairman/President thar lak luh rero a si. Ram thenkhat cu mipi duhzawng si cuang lo in anmah thu neitu pawl in an duhzawng in an hril. Asinan thenkhat leh cu Mipi duhzawng in an hril ih, mipi cun lungawi, zabeng in an um. Uktu tha hrangah mipin duhsaknak le thlacam saknak kan nei dinghi a thupituk....

Ram Uktu tha cun a rammi rilrawng/tihaal ih um ding hi a siang lo ziangtin ka ram mi a pum a puar thei ding ti hi a tumtahmi a si. Asinan Thu Neihnak a duhtu ram Uktu cun amai’ hrang lawngah a ruat. 

A kuthnuai pawl in thiltha tuah dingin an khih hmuh hman ah a duh lo. Ka Thu a si ti’n thu rawn tha  dang pawl a duh lo. 

Mipi leh thung cun Uktu/Hotu pawl hrang thlacam sak/lawm hnakin ti sual/thelh bawh ih um tla kan tam. Ram pakhat a dam ih a cang kang theinak dingah Uktu in mawh phurhnak tumbik a neih bangin mipi in tla mawh phurhnak tumpi kan nei ve.  

Nang le Kei teh Ram Uktu President/Chairman in mipi hril mi si ta bang sehla ziangtin na thok ding? Pathian rinsan in maw nangmai Thiamnak na rinsan ding. Pathian in kan ram hruaitu/Uktu dingah a lo tul. Na caan, thiamnak le theihnak pawl Pathian sunlawinak hrangah si hram seh.