LM:
Atu vekin LBA Khawmpi ah thangqhat hlasaknak thawn tel dingih sawmnak thupi zet ah ngai in na rat theinak parah kan lung-awi nasa.
Bethsy:
Duhsaknak thawn in sawm ih kei tla ka lungawi zet.
LM:
Atu vekin hmunkhat ih tonawknak caan kan ngahsal ding ti hi a ol lo zet ding ruangah thusuh duhmi tete tla lo suh kan duh ih, a ngah ko maw?
Bethsy:
Aw, ngah ko e.
LM:
Kum ziat na ti ihsin hla na rak sak thok?
Bethsy:
Aw si, kum (3) ka ti lai ihsin hla ka rak sak thok zo. Asinan a hmasa bik Audio Album ka tuah hi kum (11) ka si. Cutin hlasahnak lam ah ka feh vivo cu si.
LM:
Hla zuamawknak tivek ah na tel dah maw?
Bethsy:
Ai, ka tel dah lo ti tluk si. Asinan tlawng ka kainak, hostel ih ka um lai ahcun veikhat cu ka tel dah. Cumi tum ah pakhatnak ka ngah. Himi ciah lawng hi hlasak zuamawknak ah ka tel.
LM:
Cumi lai ah kum ziat na si ding?
Bethsy :
Kum (13) ka si ding.
LM:
Thangthat hlasak ih Pathian hna na tuannak hi kum ziat hrawng a si pei?
Bethsy:
Kum (17) lai a kim thlang.
LM:
Thangthatnak hlasaknak thawn Pathian hna na quannak ah na nu le pa in ziangtin an lo bawm? Hitiang dinhmun thleng thei dingin ziangtin an lo qanpi?
Bethsy:
Ka nu le pa ih in bomdan le in tanpidan hi phun hnih in sim a theih. Tu ih hla ka tuahmi sungih zatek 90% cu ka pa in in tuahsak theh. Cun kanmah in innsang ah aw-thunnak (Home Recording Studio) kan nei cih. Cutin ka pa in nasatak in in bawm.
Cun ka nu hi thlacamnak thawn nasatak ih in bawmtu a si. Nitin fale pawl hrangah thlacamnak in neihsak ringring. Zarhpi zing hi fale pawl hrangih thla a cam caan a si ih, rawl ul khalin tufa pawl hrangah thlaza in camsak.
Cutin ka nu le pa in anmah le ti theinak zawn ah in bawm ih, in tanpinak ruangah hitiang dinhmun ka thlen theinak cu a si.
LM:
Thangthatnak hla (Gospel song) le Ngaiawknak hla (Love song) hi mi tawkfang nawn ih kan buaipimi pakhat a si ih, thangthat hlasak thiam pakhat dinhmun in ziangtin na hmu?
Bethsy:
Aw, himi thu hi thupizet a si hrimhrim ih, hmun tin deuh thawh ah in suh tam bikmi pakhat a si...hehehe.
Love song hi a sual lo hrimhrim. Asinan keimai’ dinhmun ahcun (midang cu ka sim tel lo), Lovesong hla saknak dingah caan ka nei lo. Midang in an sak hi poi ka ti lo. Ka soisel cuang lo.
Pathian in a fapa Jesuh Khrih hmangin in rundamnak thu kan thinlung muril sungih kan theihfiang taktak ahcun Pathian thangthat sinsin duhnak hi kan nunnak sungah a nung ih, hmun a luahkhat vivo.
Curuangah Love song hi sak lo dingmi hla, a sual tin ka hmu lo. A sak duhtu cun zalen tak in sak ko hai seh.
Peh vivo lai ding.....
(1) Thangthatnak hlasak in ram ziat ah na feh zo?
(2) Ziang ram si nuam na ti bik?
(3) Online ah pasal nei ding tin thu a thang nasa ih, cumi thu hi a dik ko maw?
(4) Pasal dingih na uarmi mipa hi ziangvek si?
(5) Pathian hnatuannak ih har na ti bik ziang a um?
(6) Falam hla in Album tuahsaktu ding um sehla ziangtin na ruat?
(7) Hlasak tikah cuzat, khazat tin bikhiahmi na nei maw?
(8) Na thinhar le beidon can ah ziangtin tha na lak theu?
(9) Na nu ih a lo kaihruaidan
(10) Na pa ih a lo kaihruaidan
(11) Drug thawn pehpar aw in mino pawl hnenah sim duhmi na nei maw?
(12) Khristian nun timi hi ziangtin na fiang?
(13) Peknak thawn pehpar in thazang na pek duhmi?
No comments:
Post a Comment