Billy Graham cu kum (99) si in February 21, 2018 ah Pathian hna a ṭuannak leitlun fehsan in a duhdawtzet mi Pathian ṭaangnuam sungah a cawl a si. Hminsin tlak a ṭongsuakmi pawl hi ngan cawk lo ding khop in a tam. Cumi sung ihsin amah sunnak le upatnak langternak ah a ṭongsuakmi (20) thawn thazang kan lak tlang pei uh.
(1) Pathian in kut pahnih in pe. Pakhat cu ngahnak/laknak ding a si ih, pakhat cu peksuahnak ih kan hman dingah a si.
(2) Jesuh Khrih a cohlangtu pawl cu an sir aw ti ka thei dah lo.
(3) Pathian thu le Khristian zumnak ziangtluk na thei ti hi Satan in thupi ah a ret lo (a ngaihsak lo). Satan ih a domi cu Jesuh Khrih vekih na nun khi a si.
(5) Jesuh thawn naite um dingin zir aw; a thusimmi ngai awla a dungthlun aw.
(6) Nangmah le nangmah na ngaihsak-awknak hnakin Pathian in a lo ngaihsak sawn.
(7) Inn sungah (innsang ah) a famkimmi himnak le hnangamnak umter theitu cu duhdawtnak lawng a si.
(8) Khrih thawhsalnak lungput a simi kan lungput kha Khrih hnenah hlan aw. Khrih ih thuthup na thei dingih, a duhnak sungah him ten na um ding.
(9) Na thinlung kha ziangtik hmanah Satan hnenah pe hlah.
(10) Ka inn ngaingai cu vancung ah a um. Kei cu leitlun ah a langte ih khualtlawngmi ka si.
(11) Pathian in kan neihmi in laksak ṭheu hi thildang a si lo. Kan neih ciami hnakin a ṭha sawnmi thil in pek duh ruangah a si sawn.
(12) Minung in thlarau lam thil thupi zet pahnih a nei. Pakhat cu ngaithiamnak a si ih, a dang pakhat cu nuncan ziaza ṭhatnak a si.
(13) Kan ke parih kan din theinak dingah a pakhatnak ih kan tuah dingmi cu “Kan khuk bil ding” hi a si.
(14) Hringtu nu le pa a ṭihzah/upat lotu nauhak cu midang par khalah ṭihzahnak/upatnak ngaingai a nei dah lo ding.
(15) Rundamnak cu a lak ih ngahmi/pekmi a si. Asinan dungthluntu sinak cu ziangkim tuahnak ihsin kan ngahmi man a si.
(16) Baibal siar aw. Hnaṭuan zuam aw. Tangdor ten um aw. Phunzai hlah.
(17) Nan fale pawl duhdawt uhla, nan duhdawt zia khal thei hai seh. Nu le pa ih duhdawtnak famkim ih a tep ngahtu nauhak pawl in “Pathian in a lo duhdawt” timi hi ol ten an zum mai.
(18) Pathian hi “Zo a si” ti na theihfiang hlan lo cu nangmah le nangmah khal “Zo ka si” ti na theifiang aw dah lo ding.
(19) Pathian hnenih luh theinak sangkapi si ka duh.
(20) Hnaṭuan kan neihmi hi kan hlawhtlinnak dingah si lo in, zum tlak/rinsan tlak kan sinak langtertu dingah a si.
Lairawn Meifar
(42/2018)
No comments:
Post a Comment