Thursday, October 14, 2010

New Delhi Thuthang

Mobile Sim Card tampi hman theih loin a um

Tulai Common Wealth Game ruangah maw cu kan thei ve lo Mobile phone tampi cu hman theih loin in Company lam in an phih(Block) sak, Ahleice in Airtel Sim Card pawl hi a roh deuh ce. 



2010 Common Wealth Game (New Delhi)
Thuhla tawi:


Himi Common Wealth Game hrangah a zoh duhtu pawl hrangah Ticket hi an zuar nasa ih kanmah Kawlram mi hrekkhat tla zoh dingin an pok ve. Asinan letmat (ticket) a lem tla an zuar. Inn lengih an zuar mi cu inn sung ih computer thawn an check saal tikah a lempi a si. Thleng saal le ngah fawn lo ih cuti cun mitam pi cu zoh ngah lo le riasia in a tlungkir saal.

2010 Common Wealth Game a theh ta... (14.10.2010)


Dengue Natnak:

Tulai hi a larzet mi Dengue natnak ruangah mi tampi cu dam thei hrih loin innsaang, sungkua in natu hi an tamzet lai a si. Thlacamnak thawn tanpi cio uhsi. Ahleice in Vai khawpi ih Kawlram mi pawl hrangah a har cuang ce. Thaithawh zaanriah le innsaan man nei loin harsa tihlak lai ah damlonak a thlen tikah beidongza si ko. Asinan Pa Pathian cun in taan siang cuang lo ... A hmin cu Thangthat in um sin ko seh.


Vai Mitha



Vai khawpi ah harsa vansaannak tampi sung ihsin inntek sia le venghnen siava pawl ton pang hi cu a buaithlak thei ngaingai... Cumi lakah Mifim cathiam le Pacang tha thenkhat cu an thatuk lala fawn... Inn neitu hrekkhat cun kan harsat hi in zaangfahtuk ih inn saan man kan pek thei lo hman ah thinhar lo dingin hnemtu tla an um thung... nan neih tik poh ah in pek ko uh ti tla an um. Kawlram mi pawl hrangih kan dawrnak bik Anand Store hi a siih himi Anand dawr neipa hi mitha le mi zawnruat thiamzettu a si. A par ahhin Kawlram mi pawl kan lungawi thei zet. Thilri pawl hi a baak in tla in pek hluahhlo. Asinan kanmah kawlram mi thenkhat lala... a  bak ih kan lakmi pektum lo ih tum tla kan um lala... Cuti cun Vai khawpi ah Kawlram mi pawl cu khua an sa rero si cu...



Salai Star at

No comments:

Post a Comment

Subscribe to: Post Comments (Atom)