Salai Star Media: INDIA RAM A VEI(69)NAK REPUBLIC DAY TLUANGTEN THEH

Kawlram ih kan inn hnen a si mi India ram pi in tuni January 26, 2018 (Friday) ah a vei (69)nak REPUBLIC DAY cu tluangten an theh suak a si.

Republic Day Celebrations hrangah Security hrangah Delhi Police 60,000 lai le Central security forces pawl lawng siloin. Snipers thiam lam in Building tlun sang lam ihsin an kil. Cule CCTV in Mipi sungah mi sual pawl an um le um lo cheking-nak hrangah hmuntin kim ah an ret theh.

women Bikers pawl in Bike thawn an thiamnak phunphun mipi pawl an hmuh lawng siloin India ram ih Ralthuam a phunphun le Khuahlan thuan thu ih langsar, hmin nei kutsuak pawl a phunphun (Zuk ih kan tarlang vekin) tla langsar zet in hmuhnak an nei.

Himi Ni ropi ah India Prime Minister Narandra Modi in Former US President Obama le Chief Guest dingin ASEAN leaders - 10 pawl a sawm ih cumi sungah Kawlram ihsin kan NU bik Awwng Saan Suu Kyi tla a tel. ASEAN LEADERS an sawm mi pawl cu:

1. Joko Widodo (President of Indonesia)

2. Lee Hsien Loong (Prime Minister of Singapore)

3. Nguyen Xuan Phuc (Prime Minister of Vietnam)

4. Dato Sri Mohammad Najib bin Tun Haji Abdul Razak
(Prime Minister of Malaysia)

5. General Prayut Chan-o-cha (Prime Minister of Thailand)

6. Aung San Suu Kyi (State Councillor of Myanmar)

7. Rodrigo Duterte (President of Philippines)

8. Haji Hassanal Bolkiah Mu'izzaddin Waddaulah
(Prime Minister of Brunei)

9. Thongloun Sisoulith (Prime Minister of Laos)

10. Hun Sen (Prime Minister of Cambodia) pawl an si.

India mi le sa pawl in Tuni vek REPUBLIC DAY ih an theih tul mi hminsin tlak pa - 10 pawl cu:

1. January 26, 1930 ah India in Independence Day lole Purna Swaraj Day ti British Uknak ihsin luatnak Ni tin an hmang dah.

2. 1930 ah Independenc an ngah zo nan 1947 lawng ah Official in Independence Day cu an tlangzarh thei lai. (Myanmar Independence ngah kum - 1948)

3. Republic Day tin an hman thok kum cu 1950 - Independence an ngah hnu kum-3 ah a si.

4. 1950 kum Republic Day hman kum a hmaisabik ih Chief Guest an sawm mi cu Indonesia President Sukarno a si.

5. India ram ih President hmaisabik cu Dr. RAJENDRA PRASAD a siih January 26, 1950 ni Durbar Hall ah PRESIDENT THUKAM laknak a nei.

6. Republic Day hi Nikhat sunglawng sunlawih ding siloin nithum sung - January 29 tiang tuah ding a si.

7. Republic Day Ni Thupi India Gate, Rajpath lawnglawng ih tuah a si lo ih kum 1950–1954 kum nga sung cu Irwin Stadium, Kingsway, Red Fort and Ramlila Grounds ah an tuah ih 1955 ihsin India Gate, Rajpath hi hmun nuam le thabik a si ruangh tuni tiang an hmang.

8 .India Gate, Rajpath ih an tuah hmaisabik kum 1955 ih Chief Guest ih an hman mi cu Pakistan ih an Governor General Malik Ghulam Muhammad a si.

9. Himi Ni ih thildang lam le Makzet pakhat cu “Abide With Me” “KEIMAH THAWN UM AW” tihmi Christian hymn, Scottish Anglican Henry Francis Lyte (1847), ih phuah mi hi an saksak, ziang ruangah tile himi hla hi India Independence ngah dingih asualtu Mahatma Gandhi’s ih duhzet mi (favouritesongs) hla a si.

10. Republic Day ah Ralkap sung ihsin Sunlawih cawimawi tlak pawl Cawimawinak MEDAL an pe.

* Tukum R-Day ah Gallantry Award pektlak mi 390 hnenah le a dang Defence- Armed Forces pawl hnenah peknak an nei.

Gallantry Awad ngahtu pawl detail in a thei duh pawl hrangah a tang ih link ah zoh a theih.