Ram Leng Um Chin (Lai) Miphun Hnen Rev. Mike Zung Ceu Ih Thucah (Oct. 2010)

Thuhmai hruai:

Falam Baptist Church, Yangon (FBCY) ih Senior Pastor Rev. Mike Zung Ceu in Indy Chin Community, USA ih thuthang ca a si mi "Chin Star News" hnen ihsin leitlun hmunzakip ih a ummi Chin mi zate hrangah thucah sunglawi.

Innsang ah Laitong hmang uhla,

Laimi nan ton-awknak hmunkip ah

Laitong in biak aw uh.

*** 

Mino pawl nupi, pasal nan hawl  tikah Laimi te hawl hrim uhla thit hrimhrim uh.

 *** 

Innsang nuam si dingin nan innsang kha Pathian thu thawn  kilkhawi tha uh, caan pe aw uh.

*** 

Mino pawl tlawng ca zir uhla mirang pawl vekin

 hnatuan tha le hlawh man tha ngah dingin taimak suah uh.

 ***

Nan umnak inn, nan tomi mawtaw, 

nan eimi rawl le nan hlawh man bangaw hmansehla,

 hruaitu dingih nan hril mi pawl Pathian hmin in upat uhla, lungrualte’n thlun tum uh.

 *** 

Kan miphun tundinnak ding hrangah a thabik mi cu

 Pathian tihzah le kawhhran tha neih hi a si tihhi hngilh hlah uhla, Pathian zumhnget in kawhhran ah felfaite’n dinghnget uh.

***

Upa le Hruaitu pawl in hoha uhla

 kan Laica thiam fingfing dingin kan fanau pawl zirh uh.

*** 

Mirang pawl hnen ihsin a thami cawn tum uhla,

 kan Lai daan thatha kha nunpi vivo uh.

***

Lai Ram, Lai miphun ziangtik khalah hngilh hlah uh, ziang tal in pehzomnak neih ding zuam ringring uh, Laimi kan hlo lo ding

*** 

Kan hnam terek ah buaituk loin a tum sawn mi 

Falam(Chin) mi sinak ah tan lak uhsila, Laimi kan sinak ah rintlak si zuam uh.

*** 

“Mai tefaa (next generation) hman 

Laimi famkim a siter thei lotu cun tuini ah

 Laimi ka si tiah au tuk hlah seh, 

Cuvek thotho in mai' tefaa (next generation ) hman

Pathian faate a siter thei lotu cun tuini ah 

Pathian faate ka si tiah autuk hlah seh.

 * * *