Thuhmaihruai:
Tulai hi Calai
thu ah kan
phur cio laitak in ka thei ih ka thathozet hngin. Amahlawngte Laica ngan daan cungcang
ah thu hmunkhat ih kan
feh tlang thei lomi in ka hnak i doh. Himi
hi “o” le “aw” cafang pahnih ih sinak le awsuah daan kan
theih fiang lonak ruangbikah a si ti’n ka ruat. Cule “o” le “aw”
hi anmah zawnte ih kan hman thiam lo le kan thleidan thiam lonak
ruangah a sibik in ka thei. Hih kan
buaipimi thupi (issue) hi Oxford Advanced
Learner’s Dictionary 8th edition
sirhsan in malte ngan ka duh.
“O”
cafang le a “awsuah thlengh awknak”
Awphei (vowel) “o” cafang
hi amah pakhat lawng a um asile a awsuah
cu - /əʊ/ tiin siar ding ti a si. Vowel
“o” hmai ah awtung (consonant) pakhat “g” le “s” an um
khal le vowel “o” pakhat a silai vek thotho in /əʊ/ ti’n awsuah
ih siar ding ti a si. Curuangah,
“so” cu /səʊ/ ti’n awsuah ih siar
ding a si. (BrE
/səʊ/, NAmE /soʊ/)
“go” cu /gəʊ/ ti’n awsuah ih siar
ding a si. (BrE
/gəʊ/, NAmE /goʊ/)
Asinan, vowel “o” cafang ih dung le hmai ah
awtung (consonant) an um asile cu
“/əʊ/”tiih awsuah
si nawn loin “/ɒ/” ti’n awsuah a thlengh aw ih,
“song”
cu: /səʊŋ/, timi awsuah ih siar ding si nawn
loin,
“song”
cu: (BrE /sɒŋ/, NAmE /sɔ:ŋ/) timi awsuah ih siar
ding a si sawn.
Curuangah,
“tong” cu /təʊŋ/ tiin awsuah ih siar ding si loin,
“tong” cu
/tɒŋ/ tiin
asilole /tɔ:ŋ/ tiin awsuah ih siar ding a si.
Cuvek tthiamtthiam in,
“ttong” cu
/ttəʊŋ/ tiin awsuah ih siar ding si loin,
“ttong” cu
/ttɒŋ/ asilole
/ttɔ:ŋ/ tiin awsuah
dikzet ih siar ding a si sawn.
“Aw”
cafang le a “awsuah”
Cafang “aw”
hi Mirang khal in an nei ve [aw/ɔ:/ law /lɔ:/, raw
/rɔ:/ saw
/sɔ:/ tvk.]. Asinan “aw” hi English
ahcun “vowel” lakah an ret lo. (headword ahcun an ret ve zo).
“o”/əʊ/ le “aw”/ɔ:/ hi “cafang”
an bang awk lo vekin an “awsuah”
khal a bang aw lo.
“Long” cu /lɒŋ/ ti’n awsuah ih siar a si ih
“Lawng” cu /lɔ:ŋ/ ti’n awsuah ih
siar a si ding.
Cuvekin, “tong”
le “tawng” cu an awsuah a bang aw lo ih a tican an bang aw lo.
Cuvek thotho in “ttong”
le “ttawng” tla an awsuah an bang aw ve lo.
Thunetnak:
Curuangah, Laica ih awphei
(vowel) “o” le Mizo cafang ih awphei
(vowel) ih retmi “aw” hi
an awsuah diktak IPA ih phonetic symbol um daan theithiam le
thleidan thiam in anmah le zawnte ah dikzet ih hman thiam ding a thupi. Culawngah “o” le “aw”
thu el awk hnuaihni um loin thu
hmunkhat in kan
feh tlang thei ding. Cuti’n kan Calai a
tthangso dingih Laica in fimthiam zirnak ah kan tthathnempi thei ding.
1 comment:
I like this article, thank you very much, upon you Salai Star.
Post a Comment