MAH LE MAH RINAWK DAN HRINGNUN THUTHUP (HRAM: ROBAWM -by- Dr. Lal Biak Khum - M3)

KAN HRING NUN HI

Minung cun a hringnun a ruat ringring theu. Philosopher pawl khalin hringnun hi an zir rero nan tawp ti ni a nei thei lo. “Zo ka si?” tiih thusuhawk hna a thiamtu an tam deuhdeuh thlang. Mah le mah theifiangaw cuca loin hringnun hmanral menmen ding, kan siang hrimhrim lo.

Cungnungbik ih fapa Jesuh rori khal lei taksa ih a um laiah, “Mi in zo a si, in ti?’’ tiah a dungthluntu pawl a sut, a si kha! Ziangvek minung so kan si? Kan dinhmun diktak le sersiamtui’ in sersiam dan ropit le sunlawizia kan theih ngah theinak dingah a tanglam siar peh vivo aw. Kan hringnun cu kanmai’ ta rori a si ih a si dan ding diktakih lairelsaktu ding khal kanmah thotho kan rak si.