HLAWHTLINGMI SI THEINAK LAMZIN (15)

Leitlun ah a hlawhtling duh lomi zohman kan um lo. Asinan a hlawhtlingmi hnakin hlawhtling lomi kan tam sawn. 

Hlawhtlinnak timi hi duh men lawng a ngah lo. Duhmi kha a tak ih nunpi a ṭul. 

Hlawhtlinnak ngah theidan lamzin tampi a um ding, cumi sung ihsin a hnuailam ih tarlangmi pawl hi nunpi thei dingin zuam cio uh si.

(1) Ziangvek hnaṭuan na ṭuan ah siseh ka hlawhtling tengteng ding timi zumawknak lungput za ah za nei aw.

(2) Mah le mah rinsan-awknak nei aw.

(3) Midang ih palhnak ihsin zir ngah tum aw.

(4) Zo zo hnen ihsin khal a lak in ngah duhnak lungput nei hlah.

(5) Bomnak le peksuah duhnak thinlung nei ringring aw.

(6) Hmailam caan saupi hrang ruat in hnaṭuan aw.

(7) Na cahnak le na ṭawnṭainak kha cekfel aw ringring aw.

(8) Na sinak zianghman lo ih cangter theitu nawhthuh ei hlah.

(9) Caan ih man neih zia thei in, a lak in liamter hrimhrim hlah.

(10) Ziangziang na tuah/ṭuan ah siseh taimak le ṭhahnemngai zet in tuah/ṭuan aw.

(11) Rualpi ṭha pawl kha man nei zet ah ret in, khaisang aw.

(12) Mithmai pan le awkam nemten mi va kawm aw.

(13) Ziangkim hi a ṭhatnak lam zawng deuh hlir in thlir aw.

(14) Na nunnak hrangih thazang ngah theimi cabu phunphun siar aw.

(15) Na tuahmi/ṭuanmi parah thlirsalnak nei ringring aw.

Hram: Sarpay Uhyin
Lairawn Meifar
(26/2018)