India
Chin Thuthang
.......................................
By: Chin
Media (Delhi)
Chin mi
le Mizo mi lak ih mi lian hminthang Pu Sang Ci, tulai tak Aizawl, Mizoram,
India ih um, cu United Theological
Research University Study & Research, Secunderabad (UTRUSR) in INTERNA- TIONAL GOLD MEDAL AWARD an pek a si.
UTRUSR hin kumtin in hitivek in MI PAKHAT tiih an ruah mi pawl,
Biaknak, Pathian hnatuannak lam in siseh, Leitlun lam in siseh, Fimthiamnak lam in siseh, Thilti theinak
lam in siseh an Mizia, Sinak (Profile) pawl cipciar, felfaiten an zingzoi
ih pek tlak an timi,Internatioanal level
in an tahnak ih a tling pawl cu INTERNATIONAL
GOLD MEDAL AWARD an pek a si.
Hiti ih
an peknak san cu a PROFILE pawl
thaten an zohsak tikah a tanglam ih ta pawl hi an hmu suahmi a si.
Rawng a bawlnak ah Pathian in a hmangzet ih Khaw 400 lenglo
le Tlawng – 40 lenglo minung 2,00,000 (tinghnih lenglo) in a thusim an ngai ih,
a thusimnak ah thlarau thianghlim in huham cahnak a pek ih a ngaitu hmuahhmuah
in Jesuh Khrih ih rundamnak thu an theifiang ih an piangthar a si. Pathian hnen ihsin a don mi Thlarau Thianghlim
thil pek a don mi cu ring lo pawl hnen ih rawngbawlnak hi a si.
Project a tuahnak pawl
ah Pathian in thlawsuah a pekzet ih
Project– 10 ah hlawhtlinnak a ngah a si.
(1)
Champhai ah hmun kau pi pek.. ting 340 mang inn sak
(2) Champhai ah tlawng hrang… hmun kau pi pek
ih.. tlawng din..
(3) Aizawl
Republic veng ah Training Centre din
dingin leitlun ih 7 day in mawhphurhnak an pek ih inn tumpi a sak suak.
(4)
Zokhawthar ah Sevenday Medical Pharmacy Medical, Siizung a sak
(5) Aizawl
ah Farah … ting 5 – 7 cawmnak … hlawhtling tak in fehlai..
(6) Australia
ih kumtin bomnak, Aizawl ah HIV natnak nei hmuahhmuah hrang alak ih zohkhennak
a neih mi ah amh hi mawhphuhnak pek a siih tuni tiang tluangzet.
(7) Aizawl
ih 7day Tlawng tumpi a din
(8)
Farah Cawmnak Organization ah a lakin Computer zirnak a nei. Cumputer 11a nei
ih zirsuaktu, thiam ngaingaitu mi 200 lai an um zo.
(9) Kawl
rawn, Tahaan ih 7day tlawng dintu a si.
(10) Ramthim
rawngbawlnak tinkim, a ram neitu pawl in ramkau pipi an pe vivo. Himi thu ah
tlun lam ih hotu pawl in an rinhrel deuh ruangah a dik le dik lo finfiahtu tla
an thlah. Cuti ih anmah rori um lai ah ram kauzetzet hmun -4 an pek bet.
A tlun
ih Project 10 lai hlawhtlinnak a hmuhmi parah amah rori in Keimai’ ti theimi
pakhat hman um lo. Amah Pathian a si tiah a sim. Tutum ih sunlawihnak a don mi
thuthawn pehpar aw in zianghman theih ciahnak tla a nei lo. An kawh ruangah
fehtop mai a siih a hmun thlen ngainai cun ruahban lo, makzet in sunlawihnak a
co tikah Pathian hmin a thangthatzet .
Amah Pu
Sang Ci hi a thei lotu hi mi malsawn kan si ding. Pathian le Miphun duhdawttu
pakhat a siih a neih mi pawl tla Pathian hrang le Miphun hrangah siangzet in le
ti theitawk ih bawmtu a si. Ahleice in Mizoram um Chin mi pawl hrangah Pa bik
ih ruahmi mi piangthar Mifim, Milian neihsun pakhat a si.
Gold
Medal parah hitin an ngan:
International Gold Medal for
Highest Educationist and Lay Evangelist & Excellent Administration
Award
Dr. Sangchia Sunthang Ph.D
Vice Chancellor of ….
Sangcia International Theological Health Open University for
Outstanding achievement in Chosen field of Activities.
………………………………………………………………………
No comments:
Post a Comment